أحمد نظيف قال أن مصر مديونة بـ 650 مليار دولار (هو اللى قال بنفسه)
منهم 32 مليار ديون داخلية الباقى ديون خارجية
معلومة بسيطة كدة
مصر سقطت كل الديون اللى عليها أثناء حرب العراق (الهجوم الامريكى على العراق)
ليه عشان مصر شاركت بفتح قناة السويس للقوات الامريكية وفتح السماء المصرية للطائرات
واللى محدش مصدقه بقى ان كان فى قوات من الجيش المصرى راحت العراق تحارب او تعمل اى مساعدات للقوات الامريكية
مش ده موضعنا
أن من ساعة حرب العراق واغلب الديون سقطت من على مصر
دلوقتى وصت لـ 650 مليار دولار
وبحسبة بسيطة كدة فك ال650 إلى جنيه مصرى
وشوف هيطعلوا معاك بكام (سعر الدولار تقريبا 5.70 تقريبا يعنى فى الحدود دى)
هيطلعوا 3737500000000جنيه مصرى (تقريبا يعنى)
طيب نقسم المبلغ ده على الـ 75 مليون مواطن
يطلع كام ؟؟
يطلع نصيب ساعادتك 49833.3جنيه الحكومة مديونة بيهم وحضرتك المفروض هتسدهم
يعنى انا وأنت وانتى وهو وهى كل واحد فينا بيقرا الكلام ده دلوقتى او مش بيقراه مديون بـ 50 الف جنيه
طيب الفلوس دى فى الفترة دى راحت فين
طبعا كلنا عارفين هى راحت فين
أنا خدت منهم كام ؟
واغلبنا بيخاف يدخل المستشفيات الحكومية
احسن يدخل عنده شوية برد يخرج ناقص هين ولا كلية
طب فى ناس كتير اوى بجد لو نفضتها وبيعتها هدومها مش هتجيب 100 جنيه
والله العظيم فى ناس معهاش فى جيبها ربع جنيه كمان
ومستفادوش من الـ 50 الف دول بـ 1000 واحدة
اللى هيرد ميقوليش حسبى الله ونعم الوكيل
يقولى هيجيب الـ 50 الف اللى عليه منين ؟؟؟؟؟
